Ding kơna Ding jum kơđi čar, Khua anom pơtô bruă Ping gah dêh čar ơi Trịnh Văn Quyết nao jơnum hăng đĭ pơhiăp amăng mông ngă lơphet. Dong mơng thun 1946 truh thun 1965, Khua mir sir Hồ Chí Minh hơmâo 11 wŏt glăi čuă hăng mă bruă tom Ping gah, gong gai, ling tơhan hăng mơnuih ƀôn sang ƀôn prong. Hơdôm tơlơi pơtô mơng Wa jing kông ngăn gah bơngăt jua yôm phăn, pok phư jơlan pơđĭ kyar mơng Hải Phòng amăng djop rơnuk.

Lăng yôm hơdôm tơlơi dưi prong mơng ƀôn prong, ơi Trịnh Văn Quyết rơkâo Hải Phòng lăng nao tơpă, đing nao pơsir hĭ hơdôm tơlơi gun amăng pơhrui glăi lŏn mơnai, ngăn rơnoh yôm phun hăng pơplih hơbô̆ bruă pơđĭ kyar. Ƀôn prong kiăng ngă tui klă hơdôm bruă jao akŏ phun, amăng anun tŏ tui rơnoh pơđĭ kyar dua mrô hơđong kjăp mơng thun 2026 hăng hơdôm thun pơ anăp; tŏ tui tơlơi gal mơng tơhnal pơkă phara, pơtrut pơđĭ kyar hluai tui boh thâo phrâo, pơplih pơčeh phrâo hăng pơplih mrô.