Khua ping gah, khua mir sir ơi Tô Lâm brơi thâo, Việt Nam pơkă tơhnal či ngă kiăng jing lơ̆n ia hơmâo rơnoh pơhrui glăi pơkă dưm dưm lu mơ̆n, bruă tuh tia pơkra ming hăng măi mok phrâo soh amăng thun 2030 hăng pơđĭ kyar kơtang, pơhrui glăi lu amăng thun 2045. Việt Nam hơmâo pơtong glăi boh thâo ia rơgơi, pơblih pơčeh phrâo, bơwih ƀong huă hăng tơlơi kơhnâo laih anun pơgang mơtah mơda jing pran kơtang pơtrut bruă mă yom hloh; laih dơ̆ng lăng kơ ană mơnuih jing anŏ phun, pơgang ba anŏ tŭ yua kơ mơnuih ƀôn sang pioh pơđĭ kyar bơkơnar hăng tŭ yua hiam klă.

Lăng yom bruă ngă, rô nao rai tơlơi giăng mah dua bơnah 55 thun laih rơgao, Khua ping gah, khua mir sir rơkâo čih dăp bruă ngă giăng mah hrŏm hăng bruă ngă hrŏm yom laih anun hlom bom hloh, pok pơhư prong bruă ngă hrŏm sĭ mơdrô, tuh pơ alin, pơtô hrăm, boh thâo ia rơgơi rơnuk anai hăng ba yua apui lơtrik hơdjă pơblih yua anŏ mơtah mơda. Dua bơnah kiăng kơtưn pơblih nao rai ƀing rơgơi kơhnâo, pơtô hrăm mơnuih mă bruă kơhnâo kơhnăk. Kơ bruă pơđĭ kyar hơđong kơjăp, Việt Nam čang rơmang gah dêh čar Đab Mạch kơtưn bưp hăng pơtom hiăp, ngă hrŏm pơgang tơlơi rơnuk rơnua, hơđong laih anun rô nao rai amăng jơlan ia rơsĭ pơgiăng gơnam rơnuk rơnua djơ̆ găl hăng tơlơi phiăn jar kmar, djru pơgop hrŏm pơgang tơlơi rơnuk rơnua, bơkơnar hăng pơđĭ kyar hơđong kơjăp.