Pơhiăp ƀơi mông bưp, Khua pơ ala mơnuih ƀon sang dêh čar ơi Trần Thanh Mẫn pơpŭ bơni hơdôm tơlơi gum pơgôp mơ̆ng ƀing khua đah kơmơi pơ ala mơnuih ƀon sang amăng bruă čih pơkra tơlơi phiăn, krăp lăng hăng pơsit hơdôm bruă yom mơ̆ng lŏn ia. Khua mua pơ ala mơnuih ƀon sang dêh čar tal 16 hơmâo 150 čô đah kơmơi, hơmâo năng ai 30% mrô khua pơ ala.

Khua pơ ala mơnuih ƀon sang dêh čar rơkâo ƀing adơi amai pơtrut tui tơlơi rơgơi, pran jua pơplih phrâo; pơđĭ tui anŏ klă bruă pel ĕp, sem lăng, lăi glăi djŏp tơlơi phiăn, biă ñu lĕ hơdră djru ngă hơđong tơlơi hơdip mơda mơnuih ƀon sang, pơtô hrăm, ia jrao, bruă mă, tơlơi dưi mơ̆ng ƀing đah kơmơi hrơi wơ̆t hăng čơđai muai. Laih dong, jing khul pơtruh brơi mơnuih ruah khua hăng ƀing khua amăng sang jơnum, lăi pơthâo glăi tơlơi kiăng khăp mơ̆ng mơnuih ƀon sang, biă ñu lĕ ƀing đah kơmơi hăng mơnuih djuai ania ƀiă./.