Lăi nao kơ tơlơi rô nao rai dua bơnah, dua čô khua ƀuh rơđah, găn rơgao 55 thun rô nao rai pơtom hiăp, Việt Nam hăng Đan Mạch ngă hrŏm jai hrơi dlăm, sit nik; hơdôm bruă ngă hrŏm prong tui mơn, pơlir hăng hơdôm tơlơi kiăng đĭ kyar hlâo mơ̆ng dua boh dêh čar. Dua čô khua pơsit brơi Hră pơthâo hrŏm jơlan hơdră pơđĭ tui tơlơi rô nao rai Việt Nam - Đan Mạch jing Gŏp ngă hrŏm yom abih bang bruă, pok jơlan ngă hrŏm phrâo dong amăng tơlơi nao rai pơtom hiăp, pơjing bruă kơđi čar djơ̆ phun tơhnal, jing pơtrut pơsur ngă hrŏm dlăm hloh, sit nik hăng tŭ yua, yua klă kơ mơnuih ƀon sang dua bơnah mơn.

Kơ bruă ngă hrŏm hăng dêh čar pơkŏn, dua čô khua lăi nao tơlơi pơmin hơdôm bruă ƀơi jar kmar hăng amăng kual; ngă hrŏm kjăp, dong yua tơdruă ƀơi Sang gum hơbit djŏp dêh čar hăng hơdôm mông jơnum hrŏm lu dêh čar, lăng yom bruă ngă hrŏm lu bơnah, pơpŭ kơ tơlơi phiăn jar kmar; pơtrut tơlơi rô nao rai ASEAN - EU đĭ kyar sit nik, tŭ yua./.