Hăng anăn ñu “Hlăk ai săn hơtai ba jơlan hlâo gum djru yua kơ tơlơi hơdip mơda mơnuih mơnam”, jơlan hơdră pơphun lu bruă mă kah hăng: Pel ĕp, pha brơi ia jrao kơ mơnuih ƀôn sang buôn Drang Phốk, să Krông Na; ƀơk prăk djru hrăm hră kơ Ană rông puih kơđông; ƀơk rơdêh dang wang kơ čơđai sang hră yak rơgao tơlơi tơnap hrăm hră rơgơi; jao prăk pok phun bruă mă kơ hlăk ai; pok phun pơdŏng sa bôh sang khăp păp hăng sa bôh sang juă glai kơ čơđai.

Pơphun bruă mă hơdôm grŭp hlăk ai gum djru ngă “ƀưh pơjeh”, Pơplih mrô hăng Pơhlôm klă ƀơi jơlan nao rai. Djru ngăn rơnoh ngă tui ring bruă Gŏng kut Rup Wa Hồ hăng Ling tơhan pơgang guai dêh čar... Hrŏm hăng anun, amăng tal anai, Khul hlăk ai tơring čar Dak Lak hmâo ƀơk laih 20 pok hră kak “Ư-ang sa ruăi lŏn ia” kơ Kual glai lŏn ia Yok Đôn hăng hơdôm Puih kơđông pơgang guai dêh čar: Yok Đôn, Bo Heng hăng Sêrêpôk. Nao čuă, ƀơk gơnam tam kơ sang anô̆ ling tơhan glăk mă bruă ƀơi guai dêh čar. Abih bang prăk mă yua kơ bruă mă gah jơlan hơdră lĕ rơbêh kơ 400 klăk prăk./