Nao pơplông hơmâo 19 grup mơng hơdôm boh tơring glông, plơi prong, khul hlăk ai plơi prong hăng hơdôm khul hlăk ai mơng pơkŏn dong. Hăng 3 črăn pơplông hơmâo: Hlăk ai pơčeh phrâo, hlăk ai pel ĕp hăng hlăk ai pơtô pơblang, hơdôm grup nao pơplông amra lăi glăi tơlơi tơña ruah mă tơlơi lăi glăi amăng plang internet, ngui ngă sen kiăng lăi pơthâo grup pơplông hăng tơlơi iâu pơthưr mơng tal pơplông, hơdôm tơlơi ngă sen pơtô pơblang sa, dua tơlơi phiăn wai pơgang guai lŏn ia Việt Nam hăng hơdôm tơlơi phiăn bơdjơ̆ nao guai lŏn ia.

Amăng jơlan hơdră ăt pơphun tal pơplông rơnuč mơng 4 čô hlăk ai. Anai lĕ ƀing mơnuih rơgơi hloh ruah mơng giăm 83 rơbâo čô mơnuih nao pơplông  mơng rơwang hlâo anun hơmâo pơphun amăng 4 wŏt hrơi tơjuh hlâo (mơng lơ 8/1 truh lơ 3/2/2024).