Hơdră anai hơmâo khua mua pơ ala mơ̆ng Anom bruă tơdăm dra mut phung rơnuk HCM dêh čar, khua mua amăng tơring čar djop anom bruă hăng giăm 2000 čô tơdăm dra mut phung djop djuai ania amăng tơring čar Dak Lak. Amăng mông h’ŭ pran jua pơpŭ djơ̆ hnong tơpă, khua mua anom bruă tơdăm dra mut phung tơring čar Dak Lak hơmâo lăi pơthâo ƀơi anăp bơngăt jua tơhan djai pơsăn drơi jăn kơ hơdôm boh tơhnal dưi ngă amăng bruă hơdor tơngia tla pran, ƀong boh hơdor kơ pô pla, mơñum ia hơdor kơ pô klơi mơ̆ng hlăk ai amăng tơring čar.

Tui hăng anun, hlăk ai Dak Lak hyu čuă jơmư, tơña bla, ƀơk gơnam rơbêh 2.700 anung gơnam kơ sang anŏ hơmâo anăn kơnuk kơna djru, sang anŏ tơhan rơka rơkač, tơhan ruă nuă, amĭ Việt Nam khin hơtai hăng rơnoh prăk truh 800 klăk. Iâu pơtum 500 čô tơdăm dra hlăk ai djru, nao ming pơkra sang kơ sang anŏ hơmâo anăn kơnuk kơna djru ba, sang anŏ tơhan rơka rơkač, tơhan duăm ruă; rơbêh 3000 čô tơhan dra hlăk ai nao kih rơmet pơsat tơhan djai pơsăn drơi. Kiăo tui dơ̆ng, ƀing khua mua hlăk ai hrŏm hăng abih bang nao dưm guang bơnga, tŭi ñang hăng apui diăn kơ rĭm boh bôt pơsat tơhan djai pơsăn drơi jăn yua kơ lŏn ia.