3 čô mơnuih phrâo hmâo mă pơkŏng lĕ: Y Khing Liêng (tơkeng thun 1992, dô̆ ƀơi să Hòa Sơn, tơring glông Krông Bông); Y Huăl Êban (tơkeng thun 1970, dô̆ ƀơi buôn Mấp, tơring kual Ea Pốč, tơring glông Čư̆ Mgar); hăng Nay Dương (tơkeng thun 1968, dô̆ ƀơi să Čư̆ Pơng, tơring glông Krông Ƀuk). Anai lĕ 3 amăng 6 čô mơnuih hmâo Kông ang tơring čar Dak Lak tơgŭ kơđi hăng ba tơbiă tơlơi pơsit hyu hơduah mă yua kơ tơlơi soh “Ngă pirat kiăng kơdŏng glăi gong gai mơnuih ƀôn sang” tui Mơta tơlơi 113, Tơlơi phiăn hình sự.

Ƀing gơñu anai hmâo ƀơi anăp gum hrŏm kơsung blah ƀơi ƀirô mă bruă Jơnum min mơnuih ƀôn sang 2 bôh să Ea Tiêu hăng Ea Ktur, tơring glông Čư̆ Kuiñ lơ 11/6, laih anun tơdơi kơ anun đuăi kơdop. Mơguah lơ 21/7, hmâo mă tơlơi pơhing 3 čô mơnuih anai dô̆ kơdop ƀơi kual hmua gah buôn Kniết, să Ea Ktur, tơring glông Čư̆ Kuiñ, khul Kông ang tơring čar Dak Lak hmâo pơphun guang dar hăng mă pơkŏng. Ră anai khul kông ang glăk pơphun mă tơlơi phaih mơng ƀing gơñu. Tui anun, truh ră anai, khul kông ang tơring čar Dak Lak hmâo mă pơkŏng laih 6 čô mơnuih hmâo hơduah mă amăng kơđi kơsung blah ƀơi tơring glông Čư̆ Kuiñ lơ 11/6 ngă 9 čô mơnuih djai hăng 2 čô mơnuih rơka. Truh ră anai, ƀirô kông ang hmâo tơgŭ kơđi kơ 84 čô mơnuih, amăng anun hmâo 75 čô hmâo tơlơi soh kơsung blah kiăng pơgăn glăi gong gai mơnuih ƀôn sang; 7 čô mơnuih yua kơ tơlơi soh ƀu lăi pơthâo; 1 čô hmâo tơlơi soh dŏp mơnuih ngă soh; 1 čô hmâo tơlơi soh pơphun bruă kơsung blah, ngă gong jơlan kơ mơnuih pơkon mut tơbiă amăng lŏn ia ƀudah dô̆ glăi ƀơi Việt Nam ƀu djơ̆ phiăn./.