VOV4.Jarai - Lơ 26/1, lu anom bruă tui hyu ngui hơmâo čih hră mơit kơ Khua dêh čar lăi pơthâo hlao amăng blan 2 “Hrơi mông pok glăi bruă tuai hyu ngui jar kmar ƀơi Việt Nam”. Tui hăng hơdôm anom bruă tuai hyu ngui, ră anai, Việt Nam glăk pơphun ngă lăng hlâo bruă čơkă tuai hyu ngui mơng tač rơngiao ƀơi 7 boh tơring čar, ƀon prong (5 tơring čar rơwang blung a hăng pơhrua tui 2 tơring čar dong amăng rơwang 2). Khă hnun, tơdơi kơ 2 blan pơphun ngă hăng lu tơlơi pơkôl pơkă kơ ƀing tuai hăng hơdôm anom bơwih ƀong gah tuai hyu ngui, rơdêh por ngă tom jơlan hơdră anai, truh ră anai Việt Nam phrâo čơkă hơmâo năng ai 8.500 čô tuai. Yua hnun, hơdôm anom bơwih ƀong pơsit, kiăng hơmâo tơlơi pơplih glăi tañ kơ tơlơi pơkôl pơkă đah mơng djơ̆ hăng hrơi mông anai. Tơlơi pơsit pok glăi bruă tuai hyu ngui pơ jar kmar mơng Kơnuk kơna, mơng Khua dêh čar jing tơlơi gêl gal djru pơhơdip brơi hơdôm anom bơwih ƀong, pơhơdip brơi 2 klăk 500 rơbâo čô mơnuih mă bruă phun bơwih brơi tuai hyu ngui hăng hơdôm klăk čô mơnuih mă bruă pơkŏn dong.

Siu H’Mai: Pơblang