VOV4.Jarai - Mơguah lơ 29/6, Phun anom bruă jŭ yap (Ding jum dưm dăp akŏ bruă hăng tuh pơ plai) pơphun jơnum lăi pơthâo mrô jŭ yap bơwih ƀong huă - mơnuih mơnam 3 blan tal 2, thun 2022. Tui hăng mrô anai, 6 blan akŏ thun, GDP đĭ 6,42% - lu hloh mrô đĭ 2020-2021 samơ̆ aka ƀu pơwơ̆t glăi rơnoh 2019 ôh; dêh čar anai hơmâo 76,2 rơbâo anom bơwih ƀong rơkâo akŏ pơdong phrâo, đĭ 13,6%; 602 rơbâo wơ̆t tuai mơng tač rơngiao rai pơ Việt Nam - đĭ 6,8 wơ̆t pơhmu hăng tơđar thun hlâo; mrô prăk tuh pơ plai mơng čar rơngiao (FDI) hơmâo lu hloh hăng tơđar 5 thun rơgao...Anai jing tơlơi klă mơng bruă rŭ glăi tơlơi bơwih ƀong, 6 blan akŏ thun. Phun anom bruă jŭ  yap pơsit, tơlơi bơwih ƀong Việt Nam dưi hơkrŭ đĭ kơtang hloh dong amăng hơdôm blan dŏ glăi amăng thun, tơlơi kiăng blơi yua gơnam hăng kiăng bơwih brơi amra ngă nua gơnam đĭ tui mơn.

Siu H’Mai: Pơblang