Mơ̆ng hrơi pơphun ngă bruă (7/7) truh kơ ră anai, tơring čar Dak Lăk hơmâo 53 ring bruă akŏ phun ƀơi kual Ngŏ wơ̆t hăng gah Yŭ hơmâo pok brơi laih lŏn či ngă bruă. Truh ră anai, 3 kơčăo bruă hơmâo ngă giong laih 100% kual lŏn či kiăng, 50 kơčăo bruă hơmâo ngŏ yŭ kơ 90%. Amăng mrô rơbêh 90% hơmâo kơčăo bruă prong, kah hăng Jơlan rơdêh đuăi hmar Khánh Hòa - Buôn Ma Thuột črăn 3 hăng Kơčăo bruă jơlan hăng kơdư hang ia rơsĭ Phú Yên...

Ơi Phạm Ngọc Hùng, Kơ-iăng khua gơnong bruă hmua hăng ayuh hyiăng tơring čar Dak Lăk (ding kơna grup pơphô bruă) brơi thâo, 5 grup ngă bruă yua Jơnum min mơnuih ƀôn sang tơring čar akŏ pơjing hmao pơsir hĭ lu bruă tơnap, pơkun sui thun. Bruă čuk pơkra pơklaih ala lŏn mơ̆ng dŏ tơguan jing thâo prăp ngă mă pô tui akŏ bruă jao, pơtrut tañ bruă jao lŏn tơnah hăng brơi prăk duh lŏn sang đang hmua./.