VOV4.Jarai - Hơdôm rơtuh phun kyâo hngo ƀơi phưòng 8, plơi prong Đà Lạt (Lâm Đồng) arăng phă. Tơlơi ngă bơngŏt hloh lĕ, bruă phă kyâo glai anai ƀu djơ̆ kiăng mă kyâo samơ̆ trơ̆i kiăng ngă hơget glăk hơmâo anom bruă bơdjơ̆ nao pel ĕp. Anih kyâo glai arăng phă ƀơi lŏn glai A, B, kual lŏn mrô 15, tiểu khu 148B, phường 8, plơi prong Đà Lạt (Lâm Đồng), kual glai rưng yua anom bruă wai lăng glai Lâm Viên wai.

Anih arăng phă glai

Ƀơi anai, hơdôm rơtuh phun kyâo hngo prong 20 truh 60 cm ƀuh arăng trơ̆i. Amăng mrô anai, hơmâo kyâo hla krô kơñĭ laih samơ̆ ăt lu phun kyâo hla dŏ mơtah, dŏ ƀlĕ kơtăk. Brua phă glai anai aka ƀu thâo hơbin ôh, samơ̆ amăng mơguah lơ 17/5, hơdôm anom bruă bơdjơ̆ nao amăng plơi prong Đà Lạt hơmâo ječ ameč pel ĕp, gum hrŏm jŭ yap, sem lăng tơl anih, ngă hră pơ-ar kiăng kơ tañ ĕp ƀuh ƀing ngă soh.

Siu Đoan: Pơblang