VOV4.Jarai - Đơ đam kual Dap kơdư ră anai hơmâo giăm 2.000 boh dơnao pơkŏng ia. Hăng amra bưp tơlơi hŭi rơhyưt amăng bơyan hơjan hlim anai, tơlơi anai hơmâo Ding jum ngă hmua hăng pơđĭ kyar ƀon lan pơhŭi hlâo amăng hơdôm thun anai laih. Amăng tal nao pel ĕp ƀơi hơdôm dơnao kual Dap kơdư giăm anai, ơi Nguyễn Văn Tỉnh, Khua anom bruă wai lăng dơnao pơkŏng ia brơi thâo, ƀơi djop ƀon lan, amăng bơyan hơjan hlim, bruă mă ƀơi hơdôm dơnao pơkŏng ia lĕ lăi nao bruă bruă pơđoh ia djơ̆ hăng tơlơi pơkă mơ̆ aka ƀu pơmĭn nao ôh bruă pơčah dơnao.

Lơ̆m anun, djop dơnao lêng ƀuh bruă man pơkra ƀu kjăp, sit biă ñu hơdôm dơnao bư̆ mă hăng lŏn ră anai sui thun laih. Anai lĕ tơlơi ngă hŭi rơhyưt amăng bơyan hơjan hlim hăng hơdôm tơring čar kual Dap kơdư kiăng kơđiăng. Lơ̆m glăk dŏ tơguăn ngăn drăp mơng gơnong glông tuh pơ alin, pơkra ming, hơdôm tơring čar kiăng ngă tui hơdôm hơdră pơhlôm brơi dơnao pơkŏng ia kiăng tañ ƀuh hăng hơmâo tơlơi pơhŭi hlâo kơ mơnuih ƀon sang.

Siu Đoan: Pơblang