VOV4.Jarai-Mơguah lơ 15/5, ƀơi pra yang Quán Sứ, Hà Nội, Khul đăo phơt Việt Nam jơnum ngă yang hơdor kơ hrơi Phật đản ƀudah hơdor tal 2566 thun tui lơ Phơt-jing lơ sit nik ta thun 2022. Jơnum ngă yang anai, pơphun tơdơi kơ 2 thun klin covid 19 hơđuh rai, pơhưč lu mơnuih đăo phơt, đăo yơng ƀuh ƀô̆ mơta. Khua ơi Phơt Thích Đức Thiên, Kơ-iăng Khua khul, Khua čih pioh Khul khua mua git gai ƀing đăo phơt Việt Nam brơi thâo:  

Anai lĕ, tơlơi jơnum yôm pơphăn biă mă, djru kơ ƀing đăo phơt yơng pơdah rai pran jua pơpŭ kơ pô khua yang phơt blung a, laih anun pơdah rai pran jua thâo luă gŭ, khăp pap, thâo gum pơgôp, hơmâo tơlơi pơmin gru grua hiam hla hnil ging ba hla tơ̆i boh pia djuai ania Việt Nam ta juăt lăi. Laih dơ̆ng, pơdah rai pran jua gơgrong ba bruă mă djru mơnuih mơnam lơ̆m gum tơngan hrom hăng phung đăo phơt Việt Nam amăng bruă mă pơgang tơlơi hơdip mơda mơnuih ƀôn sang, tơdơi kơ abih klin kheng.

Nay Jek: Pơblang