VOV4.Jarai - Tơring čar Thanh Hoá hmâo pơphun ngă lơphet hơdor glăi 75 thun hrơi Wa Hồ tal blung a  nao čuă Thanh Hoá (20/2/1947 – 20/2/2022); bơni mơnuih ngă gru hlâo, khul grŭp ngă gru hlâo hăng pơphun bruă bơkơtưn thun 2022. Pơhiăp amăng mông ngă lơphet, ơi Đỗ Trọng Hưng, Khua git gai Ping gah tơring čar, Khua Khul pơ ala mơnuih ƀôn sang tơring čar Thanh Hoá lăi lĕ, rim mơnuih , rim ƀirô, anom bruă, khom gir run ngă klă hăng ngă klă hloh dong bruă mă mơng pô, yua kơ bôh tŭ yua mơng khul, plơi pla, lŏn ia; rim grŭp, mơnuih apăn bruă Ping gah, biă ñu mơnuih apăn akô̆ ƀirô, anom bruă, khom ngă tui bruă ba gru hlâo, jing asar phun, jing pô ba jơlan hlâo amăng hơdôm bruă bơkơtưn, pơplih bruă bơkơtưn jing bruă ngă hơkrŭ dơlăm, pơtrut đĭ kiăng ngă truh kih bruă mă mơng plơi pla, anom bruă hăng đơ đam tơring čar./.

Siu H’ Prăk: Pơblang