VOV4.Jarai - Hơjan prong amăng lu mông mơguah lơ 26/5 ngă hơdôm anih ƀơi dua boh să Mỹ Đức hăng Dạ Pal tơring glông Dạ Teh, tơring čar Lâm Đồng dăo mlep amăng ia. Hơdôm pluh boh sang dŏ hăng hơdôm rơtuh ektar đang hmua răm rai yua. Tui hăng mrô jŭ yap mơng blung a, hơmâo 22 boh sang dŏ ƀơi thôn 5,7 mơng să Mỹ Đức hăng plơi Xuân Châu mơng să Dạ Pal hơmâo ia lip, dăo dlăm ha mơkrah met.

Hơjan prong ngă dăo abih bang anih ƀơi tơring glông Dạ Teh, Lâm Đồng

Hơjan prong, ia đĭ mơn, ngă 270 ektar phun pla, lu biă ñu lĕ đang pla phun kơbuă, phun boh troh, hăng hơdôm boh dơnao ia rông akan mơng mơnuih ƀon sang gah kual plung mơng 2 boh să dăo kơtang hăng răm rai. Hơdôm črăn jơlan amăng plơi pla, jơlan ĐH95 găn nao să Dạ Pal ia jroh, ngă tơhlŏm, biă ñu hơdôm glông jơlan glăk pơkra.

Siu H’Mai: Pơblang