Hơkruah yâo hrŏm hăng hơjan prong ngă răm rai hơdôm hơpluh boh sang ƀơi Gia Lai
Thứ hai, 11:01, 17/06/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Mơmŏt lơ 14/6, ƀơi tơring glông Ia Grai, tơring čar Gia Lai ƀuh hơkruah yâo hrŏm hăng hơjan prong ngă 22 boh sang pok bơbung hăng lu đang hmua sầu riêng, kơsu, phun ñông jruh boh, čơlah than.
Tui jŭ yap mơng anom bruă ngă hmua hăng pơđĭ kyar ƀon lan tơring glông Ia Grai, tơring čar Gia Lai, kruaih yâo găn nao să Ia Krai ngă 2 boh sang pok bơbung, ngă jruh giăm 1 tơ̆n boh sầu riêng glăk truh bơyan pĕ pơhrui; să Ia Khai hơmâo 20 boh sang pok bơbung hăng lu anih răm rai bơdjơ̆ nao glông hrĕ apui lơtrik…rơbêh 3 ektar phun boh ñông hăng giăm 700 phun kơsu čơlah.
Tơdơi kơ hmư̆ lăi pơthâo, Khua mua Jơnum min mơnuih ƀôn sang tơring glông Ia Grai nao tơl hơdôm boh să hăng git gai gong gai ƀon lan pơkiăo nao mơnuih djru brơi neh met wa rŭ pơdong glăi hơdôm anih răm rai.
Viết bình luận