Ƀrô hơdor glăi tal 98 thun Hrơi hră pơhing phrâo hơkrŭ Việt Nam, tlam lơ 16/6, ƀơi sang jơnum khua pơ ala mơnuih ƀôn sang dêh čar, ơi Vương Đình Huệ bưp khua mua anom pơtô bruă ping gah dêh čar, Ding jum Tơlơi pơhing hăng pôr pơthâo, Khul mơnuih čih tơlơi pơhing Việt Nam, ƀing čih tơlơi pơhing sui thun tha rơma, pơ ala kơ djop sang bruă tơlơi pơhingjing ding kơna Khul čom puăng mơ̆ng blung hăng čom puang rơnuč hơdôm tơlơi pơhing pơplông mă pri Diên Hồng tal sa, khua mua hơdôm anom bruă tơlơi pơhing ƀơi gơnong dlông hăng tơring čar.

Khua git gai pơ ala mơnuih ƀôn sang dêh čar ơi Vương Đình Huệ lăi pơtong, khua pơ ala mơnuih ƀôn sang dêh čar đing nao biă mă kơ bruă ngă pơgiong tơlơi phiăn pơkă, jơlan hơdră gah tơlơi pơhing phrâo, pôr pơhing. Pơ anăp anai, Khua git gai pơ ala mơnuih ƀôn sang dêh čar ơi Vương Đình Huệ rơkâo kơ anom bruă tơlơi pơhing kiăng djă bong kjăp kơnuih mă bruă, tơlơi grong ba lĕ sa amăng hơdôm bruă mă yôm, djru pơblih ngă kjăp tui hăng pơblih phrâo bruă mă Kơnuk kơna tơlơi dưi kơtang yua tơlơi phiăn mơnuih mơnam ngă pô Việt Nam, djơ̆ găl hăng hnong pơđĭ kyar rơnuk rơnua laih anun tơlơi hiam klă amăng rơnuk phrâo, pơgang hăng pơđĭ kyar hlom bom amăng bruă pơblih phrâo đơr hơr, sa amăng plĕ, mut phung jar kmar hăng Tơlơi kiăng lăp djơ̆ mơ̆ng Việt Nam kơtang tui anăp nao pơ thun 2045.