Tơlơi pơhing amăng kual lăi pơthâo boh yom phun kơ tal nao čuă mơ̆ng Khua dêh čar ơi Phạm Minh Chính nao truh pơ 3 boh dêh čar amăng kual, amăng anun hơmâo dêh čar UAE, Saudi Arabia hăng Qatar, jing hơdôm bơnah ngă hrŏm yom biă mă, sui thun laih anun hlom bom mơ̆ng Việt Nam amăng djop mơta bruă. Tơlơi pơhing dêh čar UAE lăi pơthâo tong ten boh tơhnal bơ tŭ ư amăng tal nao čuă anai, biă mă ñu ba Việt Nam hăng UAE pơsit ngă hrŏm pơđĭ tui hơnơ̆ng ngă giăng mah dua bơnah jing bơnah ngă hrŏm hlom bom, kĭ pơkôl Hră ngă hrŏm djop mơta dua bơnah Việt Nam-UAE.

Ƀơi dêh čar Saudi Arabia, tơlơi pơhing pôr kơ bruă pơtrut ngă hrŏm plah wah dua bơnah dêh čar; lăp đing nao tơlơi bơkơtuai nao rai plah wah Khua dêh čar ta ơi Phạm Minh Chính hăng Khua dêh čar Saudi Arabia, ơi Mohammed Bin Salman. Ƀơi dêh čar Qatar, hră pơhing phrâo čih pôr tơlơi pơbưp nao rai, tơlơi bơkơtuai plah wah khua dêh čar ơi Phạm Minh Chính hăng Khua dêh čar laih anun ơi pơtao dêh čar Qatar, khua dêh čar hăng khua pơ ala mơnuih ƀôn sang dêh čar anai.