Hrơi abih bang mơnuih ƀôn sang ngă hrŏm Pơgang rơnuk rơnua lŏn ia ƀơi Dak Nông
Thứ ba, 14:51, 22/04/2025
VOV Tây Nguyên/Siu H'Prăk-Nay Jek pơblang hăng pôr
VOV Tây Nguyên/Siu H'Prăk-Nay Jek pơblang hăng pôr
VOV4.Jarai-Lơ 21/4, Khul git gai pơhlôm, pơgang tơlơi soh sat, črih čruai mơnuih mơnam hăng akŏ pơdong bruă mă abih bang mơnuih ƀôn sang gum hrŏm pơgang lŏn ia iâu klah čun khul git gai ƀơi plơi prong Gia Nghĩa, tơring čar Dak Nông, ngă hrŏm Sang hră đôm lăm kơnuk kơna čem rông čơđai sang hră gưl klâo N’Trang Lơng Dak Nông pơphun jơnum, jak iâu jơnum pơtum gưl tơring čar thun 2025.
Hơmâo tơlơi ngă hrŏm djop gưl, anom bruă, boh nik ñu tơlơi gơgrong ba mơ̆ng tơhan kông an, bruă ngă mơ̆ng abih bang mơnuih ƀôn sang gum hrŏm bruă wai pơgang tơlơi rơnuk rơnua dêh čar ƀơi tơring čar Dak Nông, hơmâo ba glăi boh tơhnal tŭ yua klă hiam, man pơdong, pok pơhư prong lu bruă mă tui hơdră ană plơi pla wai pơgang mă pô amăng kual plơi pla.
Kiăng pơhlôm pơgang tŭ yua hloh, Kơ-iăng Khua ding jum kông an ơi Lê Văn Tuyến rơkâo djop gưl anom bruă ping gah, gong gai kơnuk kơna, khul grup mơnuih ƀôn sang, khul grup anom bruă kơđi čar abih bang gum hrŏm djru pơtô pơblang kơ bruă wai pơgang tơlơi rơnuk rơnua lŏn ia, akŏ pơjing bruă mă atur wai pơgang amăng pran jua mơnuih ƀôn sang wai lăng tong ten ƀơi plơi pla.
Viết bình luận