VOV4.Jarai - Amăng 2 hrơi lơ 11 hăng 12/7, pơphun mông Jơnum tal 13 Jơnum min apăn bruă Khua pơ ala mơnuih ƀôn sang. Amăng mông jơnum anai, Jơnum min apăn bruă Khua pơ ala mơnuih ƀôn sang gum pơhiăp kơ tơlơi hră lăi pơthâo glăi bôh tơhnal pel ĕp rơnoh bruă pơkra jơlan Trường Sơn Đông hăng gum pơhiăp yak blung a kơ bruă prăp lui Tal Jơnum lok 4 Khua pơ ala mơnuih ƀôn sang dêh čar ta tal 15; pel ĕp, lăng glăi hră čih pơkra Tơlơi pơtrun pơsit bruă apăn, bruă mă, tơlơi dưi pô hăng hơdră pơkă pơphun mơng Grŭp hyu mă bruă mơng khua pơ ala. Hăng tơlơi bơwih ƀong – mơnuih mơnam, Jơnum min apăn bruă Khua pơ ala mơnuih ƀôn sang pel ĕp, pơsit hơdră pơtrun pơplih bôh than mă yua dlai tlô, lŏn dlai hăng lŏn ngă hmua pơdai mơng dua bơyan hăng lu hloh mơng Rơwang bruă pơkra jơlan nao rai hmar Pơngŏ Dơnung gah Ngŏ rơwang 2021-2025. Ăt amăng mông jơnum anai mơn, Jơnum min apăn bruă Khua pơ ala mơnuih ƀôn sang klah čun Tal jơnum lok 3 hăng gum pơhiăp yak blung a kơ bruă prăp lui Tal jơnum lok 4 Khua pơ ala mơnuih ƀôn sang dêh čar ta tal 15./.

Siu H’ Prăk: Pơblang