VOV4.Jarai- Mơguah lơ 6/4 ( lĕ lơ 6/3 tui blan di), ƀơi Pra yang Đức Quốc Tổ Lạc Long Quân hăng pra yang Tổ Mẫu Âu Cơ pơ anih djă pioh gru grua yôm Pra yang Hùng, plơi prong Việt Trì, Ping gah, gong gai hăng mơnuih ƀon sang tơring čar Phú Thọ pơ ala brơi mơnuih ƀon sang, ling tơhan đơ đam dêh čar, mơnuih ƀon sang pơ tač rơngiao pơphun hrơi huă pơsat Đức Quốc Tổ Lạc Long Quân hăng tŭi ñang pơpŭ kơ Tổ Mẫu Âu Cơ.

Hrơi huă pơsat Đức Quốc Tổ Lạc Long Quân hăng tŭi ñang kơ Tổ Mẫu Âu Cơ hơmâo pơphun yôm phăn tui gru grua ngă yang rơbang, pơhlôm amăng pơgang klin Covid-19. Hăng gru grua “mơñum ia hơdor kơ pô klơi” hơdor kơ ơi yă lĕ gru grua hiam mơng djuai ania ta.

Hơdor kơ Đức Quốc Tổ Lạc Long Quân hăng Tổ Mẫu Âu Cơ hơmâo pơjing rai pran hơdip hiam mơng djuai ania, akŏ pơjing, akŏ phun pơđĭ kyar amăng lŏn ia ta tơdơi anai. Ană tơčô ră anai amra hơdor na nao tơlơi gum pơgôp prong prin mơng Đức Quốc Tổ Lạc Long Quân hăng ƀing mơnuih djru akŏ pơjing lŏn ia ta.

Siu Đoan: Pơblang