Jơnum anai hơmâo giăm 1.400 čô mơnuih pơ ala nao jơnum, pơ ala kơ djop gưl mơnuih ƀôn sang, djop djuai ania, tơlơi đăo, khul ling tơhan, mơnuih ƀôn sang Việt Nam hlăk dŏ pơ dêh čar tač rơngiao. Jơnum amra pơsit hĭ hră lăi pơthâo pơƀut bruă mă mơ̆ng Jơnum min djop djuai ania mơnuih mơnam Việt Nam tal 9, rơwang bruă thun 2019-2024 hăng Hơdră mă bruă mơ̆ng jơnum min djop djuai ania mơnuih mơnam Việt Nam tal 10, rơwang bruă thun 2024-2029 ; sem glăi bruă mă mơ̆ng jơnum min, grup khua git gai hăng khul khua mua apăn bruă phun Jơnum min djop djuai ania mơnuih mơnam Việt Nam tal 9, rơwang bruă thun 2019-2024; čih pơkra pơhrua nao tơlơi pơtrun mơ̆ng Jơnum min djop djuai ania mơnuih mơnam Việt Nam; jơnum pơčrong djop mơnuih ngă khua pô, dưi mơ-it anăn apăn bruă amăng Jơnum min djop djuai ania mơnuih mơnam Việt Nam tal 10, rơwang bruă thun 2024-2029; laih anun pơsit hĭ Hră pơtrun jơnum ruah khua tal anai.

Him lăng mrô ding kơna Jơnum min djop djuai ania mơnuih mơnam Việt Nam tal 10 lĕ 405 čô, đĭ tui 20 čô pơkă hăng tal 9. Mrô mơnuih ngă ding kơna Grup khua mua git gai Jơnum min djop djuai ania mơnuih mơnam Việt Nam tal 10 lĕ 72 čô, đĭ tui 10 čô pơkă hăng tal 9.