VOV4.Jarai - Lơ 30/8, Khul hlăk ai tơring čar Dak Lak pơphun jơlan hơdră hrơi ngui kâo khăp kơ lŏn ia thun 2022 hăng lu tơlơi ngui dik dak mơ-ak. Hrơi ngui kâo khăp kơ lŏn ia kâo ƀơi Dak Lak thun anai hơmâo lu tơlơi pơphun anun lĕ mông mitting, ngă lơphet dui đĭ hla kơ hăng ngui adôh suang ƀơi tơdron lăk lơ 10/3 (plơi prong Ƀuôn Ma Thuột), ngui adôh suang hăng pơkiăo “Mobirun - Kâo khăp kơ lŏn ia kâo”, pơphun mông ngui Pran kơtang mơng hlăk ai, hrơi ngui adôh hơdôm tơlơi adôh mơng kač mang, hlăk ai adôh tơlơi adôh đưm hăng pĕ gông atông brô̆ djuai ania ƀiă.

Mông ngă lơphet

Tal hơdor glăi 66 thun hrơi gru grua Khul pơlir hơbit hlăk ai Việt Nam hăng pơpŭ ƀing hlăk ai ba gru amăng djop mơta bruă. Jơlan hơdră anai pioh pơpŭ mông pơphun truh kih mơng Jơnum khul hlăk ai djop gưl, anăp nao Jơnum khul hlăk ai đơ đam dêh čar tal 12, čơkă hrơi akŏ pơjing lŏn ia lơ 2/9 hăng hơdôm hrơi ngă yang prong amăng lŏn ia.

Rơbêh 1.500 čô hlăk ai dong dăp jing “Kâo khăp lon ia kâo” amăng mông ngă lơphet

Hơdôm tơlơi ngui ngor lêng kơ hơmâo boh tơhnal tong ten, mơng anun pơhưč ƀing hlăk ai mut hrŏm, ngă tui abih pran jua, ba glăi tơlơi gum pơgôp tum pơƀut hlăk ai ƀơi hơdôm khul grup hlăk ai amăng tơring čar.

Siu Đoan: Pơblang