VOV4.Jarai-Ding jum Pơtô hăng Pơjuăt pơphun jơnum lăng nao rai amăng tivi pok pơhai bruă iâu pơmut hrăm gưl prong, hrăm bruă ngă nai pơtô gưl muai thun 2022. Kơ-iăng Khua ding jum Pơtô hăng Pơjuăt ơi Hoàng Minh Sơn git gai jơnum. Lăi pơthâo ƀơi mông jơnum, Anom bruă wai lăng gah bruă pơtô hrăm gưl prong, Ding jum Pơtô hăng Pơjuăt brơi thâo, anăp bruă iâu pơmut hrăm gưl prong thun 2022 ăt ngă djơ̆ kah hăng thun 2021 mơ̆n, kơnong pơblih pơkra glăi ƀiă, kiăng ngă gêh găl kơ čơđai pơplông hăng anih pơtô hrăm.

Pơhiăp klah čun amăng mông jơnum, Kơ-iăng Khua Ding jum Pơtô hăng Pơjuăt ơi Hoàng Minh Sơn čih pioh bruă mă thun anai lu sang hră gưl prong mă yua hơdră čih anăn iâu pơmut. Samơ̆, djop sang hră ăt khom kơtưn tơlơi glăm ba, gơgrong pơblang rơđah kơ mơnuih hrăm hăng abih bang mơnuih mơnam thâo. Laih dơ̆ng, khom ngă bơkơnar kơ abih bang čơđai pơplông wơ̆t hăng hơdră ngă phara hai.

Nay Jek: Pơblang