VOV4.Jarai - Kơ-iăng khua dêh čar ơi Lê Minh Khái phrâo kĭ hră brơi jao glăi prăk pioh pơgang klin Covid-19 hơmâo amăng thun 2021 kơ Ding jum ia jrao aka ƀu mă yua abih, pioh mă yua amăng thun 2022 dong kơ bruă pơhlôm pơgang klin Covid-19. Rơđah biă ñu, Tơlơi pơtrun brơi jao prăk kơnuk kơna pơkă hlâo laih kơ bruă pơhlôm pơgang klin Covid-19 thun 2021 mơng Ding jum ia jrao aka ƀu mă yua hăng mrô prăk 4.643.821 klăk (wơ̆t hăng prăk blơi vaccine, gơnam tlâ̆o ia jrao, čơkă, djă pioh ia jrao, ba hyu vaccine pơgang Covid-19) amăng yua amăng thun 2022 pioh pơgang klin covid-19 dong mơn, tui hăng tơlơi kiăng mơng Ding jum prăk kăk. Tơlơi pơtrun lăi hăng prăk pioh pơgang klin Covid-19 thun 2022, Ding jum ia jrao him lăng mă yua klă, ngă hrŏm hăng Ding jum prăk kăk či rơkâo, lăi pơthâo kơ anom wai lăng gah bruă anai pơhrua tui (tơdah hơmâo) tui tơlơi phiăn; pơtrut tui bruă wai lăng, mă yua hăng tla prăk pioh pơgang klin Covid-19, ngă tañ, tŭ yua, pơkrem, rơđah rơđông, djơ̆ tơlơi pơkôl pơkă.

Siu H’Mai: Pơblang