Ƀơi mông jơnum khua anih jưh pơ ala Việt Nam ƀơi anai, hơmâo jao 2 tơn gơnam djru bruă pơtô hrăm hăng hrăm tơlơi Việt brơi kơ ană bă djuai ania Việt Nam dŏ ƀơi 4 boh tơring čar gah dơnung dêh čar Lao, kah hăng tơring čar Čampasak, Attapue, Salavanh hăng Sekong.

Pơhiăp ƀơi mông jơnum, ơi Nguyễn Văn Trung, Khua anih jưh pơ ala Việt Nam ƀơi Pakse lăi, anai lĕ bruă ngă đing nao mơ̆ng khua mua ping gah, kơnuk kơna, biă mă ñu mơ̆ng Khua git gai pơ ala mơnuih ƀôn sang dêh čar ơi Vương Đình Huệ hăng ană plơi pla Việt Nam dŏ ƀơi 4 boh tơring čar dơnung dêh čar Lao; sa kơnôl brơi ƀuh jơlan hơdră djơ̆ lăp tơpă hnong mơ̆ng Ping gah hăng kơnuk kơna Việt Nam lăng kơ mơnuih ƀôn sang Việt Nam dŏ pơ dêh čar tač rơngiao sa črăn ƀu thâo člah phara ôh mơ̆ng dêh čar Việt Nam ta pô.