Amăng mông bưp, dua bơnah lăng yôm bruă pơđĭ kyar hiam klă amăng tơlơi rô nao rai Việt Nam-Japan, amăng anun hơmâo tơlơi rô nao rai kơplah wah Ping gah Cộng sản Việt Nam hăng Ping gah LDP, pơčrông sai kơ bruă pơđĭ kyar tơlơi rô nao rai kơplah wah dua bơnah pơ anăp anai.

Yă Trương Thị Mai rơkâo Japan hrŏm hăng hơkrŭ tơlơi rô nao rai dua Ping gah, kơtưn pơlăi nao rai, pơtrut ngă hrŏm sit nik amăng djop mơta bruă, tŏ tui djru ODA amăng rơnuk phrâo lăp djơ̆ hăng tơlơi kiăng pơđĭ kyar mơng Việt Nam; gum hrŏm amăng hơdôm mông jơnum djop bơnah hăng Japan dong yua Việt Nam pơhlôm rơnuk rơnua, hơđong hăng ngă hrŏm amăng kual ia rơsĭ ngŏ tui tơlơi pơkôl Sang gum hơbit djop dêh čar kơ tơlơi phiăn kual ia rơsĭ thun 1982. Gah Japan pơsit tong lêng kơ lăng yôm Việt Nam amăng hơdră bruă hăng kual.