VOV4.Jarai - Tlam lơ 22/4, Kơ-iăng khua dêh čar ơi Vũ Đức Đam git gai jơnum kơ bruă prap lui pơphun pơplông bơrơguăt drơi jăn kual Đông Nam Á tal 31 (SEA Games 31). Tui hăng khul pơphun, truh ră anai, bruă prap lui pơphun pơplông giong laih, dŏ tơguăn truh hrơi pơplông bơrơguăt drơi jăn prong hloh amăng kual đôč. Khul pơphun SEA Games 31 tŭ yap hăng git gai pok pơhai hơdôm hơdră bruă kiăng pơhlôm rơnuk rơnua; pơhlôm gah bruă ia jrao hăng sem lăng doping; pơgang klin Covid-19; bruă prap lui tui tlôn hăng bruă pơgiăng hyu mơnuih; pơtô pơhrăm brơi mơnuih djru bruă; prap lui hrơi pơphun hăng pơđut tal pơplông…

Kơ-iăng khua dêh čar ơi Vũ Đức Đam hơmâo git gai pơsir hĭ tơnap tap lơ̆m prap lui SEA Games 31. Sit biă ñu bruă prap lui hrơi pơphun, pơđut tal pơplông, bruă pơgiăng hyu mơnuih pơplông. Kơ-iăng khua dêh čar rơkâo djop ding jum, gơnong bruă kiăng tŏ tui gum hrŏm kjăp, tŭ yua kiăng pơsir hĭ hơdôm tơlơi tơnap tap djơ̆ hăng tơlơi glăm ba mơng ƀing gơñu, biă mă ñu bruă ngă hră pơ-ar, ječ ameč pơgiong bruă jao, pơphun lăp djơ̆, truh kih SEA Games 31.

Siu Đoan: Pơblang