Thun anai, lu sang hră gưl prong hơmâo pơplih hơdră ruah čơđai hrăm anun jing čơđai sang hră nao pơhmư̆ lu hloh kơ hơdôm thun hlâo. Khua sang hră hăng nai pơtô mơng hơdôm boh sang hră kah jing hơdôm grup hrăm: khoa học xã hội, khoa học tự nhiên, bơwih ƀong, boh thâo măi mok....či lăi pơthâo brơi čơđai sang hră rim tơlơi hrăm, hrăm hiư̆m pă, sang hră pơtô, bruă dưi mă tơdơi kơ hrăm giong...Kiăng thâo rơđah hloh, rim boh sang hră gưl prong đại học, cao đẳng lêng hơmâo anih pơčrâo brơi phara, amra pơtô brơi, lăi glăi djŏp tơlơi čơđai aka ƀu thâo hluh, laih anun pơtô brơi ruah tơlơi hrăm lơ̆m nao pơplông đại học, cao đẳng thun 2023.