VOV4.Jarai - Mơguah lơ 11/1, Khua mua apăn bruă Ping gah hơmâo pơphun jơnum klah čun bruă pel ĕp, wai lăng thun 2021, pok pơhai bruă mă amăng thun 2022. Pơhiăp ƀơi mông jơnum, Khua apăn bruă ping gah Võ Văn Thưởng lăi, kiăng pơđĭ tui tơlơi rơgơi kơjăp bruă git gai lŏn ia, Ping gah ta khŏm pơtrut kơtang hloh bruă akŏ pơjing, pơplih ming Ping gah, pơlir hăng akŏ pơdong anom bruă čar, pơgang pơgăn tơlơi hưp ham ƀong kông ngăn, pơgăn wơ̆t hăng bơtơhmal mơtăm ƀing hơmâo tơlơi pơmin soh glăi, hyu ngă mă hơjăn.

Anih jơnum

Ơi Võ Văn Thưởng rơkâo, djŏp gưl ping gah, anom bruă pel ĕp djŏp gưl pơƀut kơsem min, hrăm bruă, pok pơhai klă djŏp tơlơi pơtrun, tơlơi git gai mơng Ping gah kơ bruă pel ĕp, wai lăng, bơtơhmal mơnuih ngă soh amăng ping gah. Čih pơkra jơlan hơdră ngă bruă, akŏ bruă hyu pel ĕp, wai lăng, lăp djơ̆ hăng tơlơi hơmâo mơng anom bruă.

Siu H’Mai: Pơblang