VOV4.Jarai - Mơguah lơ 31/5, Ding jum apăn bruă Kơnuk kơna pơphun Jơnum anăp nao hrơi Rŏng lŏn tơnah ƀu hmâo hot djup, rơwang hrơi tơjuh lŏn ia ƀu hmâo hot djup hăng lăi pơhing pơgang pơgăn anô̆ bơdjơ̆ nao mơng hot djup mơng Ding jum apăn bruă Kơnuk kơna thun 2022.

Pơhiăp amăng mông jơnum, ơi Vũ Đăng Minh, Khua Anom bruă Ding jum apăn bruă Kơnuk kơna brơi thâo, anăp nao sa anih anom hơdip ƀu hmâo hot djup, Ding jum apăn bruă Kơnuk kơna hmâo ba tơbiă lu bruă mă kah hăng: in tơglit hră lăi pơhing pơgang pơgăn anô̆ bơdjơ̆ nao mơng hot djup; lăi pơhing kơ Phiăn pơgang pơgăn anô̆ bơdjơ̆ nao mơng hot djup; kom khut khăt hot djup ƀơi ƀirô mă bruă, anom bruă; ba bôh yôm kom djup hot mut amăng tơlơi pơkă, bôh thâo anih anom mă bruă. Pơ̆ anăp anai, Ding jum apăn bruă Kơnuk kơna ăt amra lăi pơhing mơn kơ anô̆ bơdjơ̆ nao ƀu klă mơng bruă mă yua hot djup, biă ñu hơdôm bôh yôm bơdjơ̆ nao ƀơi anăp bruă gơgrong mơng khua apăn akô̆, bruă gơgrong mơng mơnuih djup hot./.

Siu H’ Prăk: Pơblang