VOV4.Jarai - Ƀơi Hà Nội phrâo pơphun Jơnum anom bơwih ƀong sĭ mơdrô Việt Nam (VBF) tui tơđar hăng anăn “Hơkrŭ glăi bơwih ƀong huă hăng pơđĭ kyar bruă ba sĭ mơdrô hluai tui tơlơi pơplih ră anai”. Amăng mông jơnum, djop khul grup bơwih ƀong sĭ mơdrô pơ tač rơngiao lăng yôm hơdôm tơlơi gir run hăng hơdôm boh than dưi ngă amăng thun 2021, hăng tơlơi čang rơmang lơ̆m pok, hơkrŭ glăi hăng pơđĭ kyar ƀơi Việt Nam, hăng tơlơi git gai khut khăt, hăng tơlơi ƀuăn kơtang hloh mơng khua git gai Ping gah, Kơnuk kơna hăng tơlơi gum pơgôp hrŏm mơng abih bang mơnuih ƀon sang.

Mông jơnum

Jơnum anai lĕ hrơi mông kiăng anom bơwih ƀong sĭ mơdrô pơgôp hiăp, rơkâo đĭ hơdôm hơdră kiăng pok pơhai tơlơi pơsit mrô 11 mơng Kơnuk kơna kơ jơlan hơdră hơkrŭ glăi hăng pơđĭ kyar bơwih ƀong huă-mơnuih mơnam; laih dong, pơsit tong tơlơi gơgrong mơng hơdôm anom bruă wai lăng Kơnuk kơna hăng anom bơwih ƀong sĭ mơdrô amăng bruă pơplih tuh pơ alin bơwih ƀong sĭ mơdrô, pơtrut pơđĭ kyar kual bơwih ƀong huă hơjăn hăng pơgôp prong amăng pơđĭ kyar hơđong kjăp ƀơi Việt Nam.

Siu Đoan: Pơblang