VOV4.Jarai - Ngă lơphet 110 thun hrơi tơkeng ơi Nguyễn Văn Cừ, (lơ 9/7/1912-9/7/2022), tlam tom brơi lơ 8/7, ƀơi Bắc Ninh, Sang hră kơđi čar Dêh čar Hồ Chí Minh ngă hrŏm hăng Anom pơtô bruă Ping gah dêh čar hăng Ping gah tơring čar Bắc Ninh pơphun Jơnum boh thâo ia rơgơi “Khua git gai Ping gah Nguyễn Văn Cừ - Mơnuih git gai rơgơi mơng Ping gah hăng bruă hơkrŭ Việt Nam, mơnuih rơgơi kơhnâo mơng plơi pla Bắc Ninh”. Ơi Nguyễn Văn Cừ tơkeng amăng sang anŏ hrăm tơlơi nho rin rơpa, sang anŏ ñu lêng hrăm rơgơi hmư̆ hing ƀơi să Phù Khê, tơring glông Từ Sơn, Bắc Ninh, ră anai lĕ plơi prong Từ Sơn, tơring čar Bắc Ninh. Abih bang bruă ngă hơkrŭ mơng ñu jing gru grua tơlơi pơmin hiam mơng sa čô mơnuih cộng sản, jing Khua git gai Ping gah dêh čar ta blan 3/1938. Hăng 29 thun hơdip, rơbêh 13 thun ngă hơkrŭ, 7 thun ayăt krư̆ amăng sang mơnă, rơbêh dua thun ngă Khua git gai Ping gah, Khua git gai Ping gah ơi Nguyễn Văn Cừ hơmâo lu tơlơi gum pơgôp prong kơ bruă hơkrŭ mơng Ping gah hăng djuai ania ta.

Siu H’Mai: Pơblang