Khul pơphun Jơnum hơmâo mă 40 hơdrôm hră ba bơkơtuai mơng mơnuih ƀuh tơlơi blah ngă đưm hăng ƀing kơhnăk. Kual lŏn hăng tơlơi hơmâo đưm đih jing ba tơring čar Quảng Trị jing kual lŏn yôm biă mă gah bruă kơđi čar, ling tơhan amăng bruă akŏ pơdong hăng djă bong lŏn ia. Pơ anai đưm hlâo adih arăng lăng kah hăng “anih bơblah”, “anih wai lăng guai dêh čar”, “guai dêh čar”, amăng anun đưm adih hơmâo čih pioh lui hrơi mông akŏ pơdong anom bruă Kơnuk kơna jăng jai hơkrŭ lŏn ia Cộng hòa miền Nam Việt Nam mơng thun 1973 -1975.

Ơi Nguyễn Đăng Quang, Kơ-iăng khua Ping gah tơring čar Quảng Trị čang rơmang, hluai tui mông jơnum anai, hơdôm hră pơ-ar, boh tơhnal gêh gal amra hơmâo ba bơkơtuai, pơblang rơđah kiăng pơtŏng glăi rơđah hloh, sit nik hloh kơ gru grua đưm, tơlơi gơgrong bruă mơng Kơnuk kơna hơkrŭ lŏn ia Cộng hòa miền Nam Việt Nam amăng rơnuk blah ayăt Mi, rơngai lŏn ia.