VOV4.Jarai-Mơguah lơ 11/5, ƀơi Hà Nội, pơphun jơnum bơkơtuai anăn “Anih anom plang internet hăng bruă ngă pơgang guai gru grua tơlơi pơmin kơ hlăk ai thun muai”. Ƀơi mông bơkơtuai anai, pơtruh nao rai lăng amăng tivi hăng 63 boh tơring čar, ƀôn prong amăng dêh čar. Ƀơi mông jơnum, lu khua mua lăi anŏ bơbeč nao mơ̆ng plang internet, bruă sĭ mơdrô hluh gah guai dêh čar hăng bruă ngă pơgang guai gru grua tơlơi pơmin amăng rơnuk phrâo ră anai. Pơhiăp amăng mông jơnum, ơi Nguyễn Trọng Nghiã, Khua anom Pơtô bruă ping gah dêh čar, pơtrun hiăp kơ djop gưl ding jum, anom bruă kiăng hneč mă tơlơi gêh găl plang internet, bruă pơblih yua mrô kiăng pơtrut tơlơi thâo hluh, pơtô hrăm kơ hlăk ai ƀing muai thâo kơ gru phun dêh čar, rơnoh yôm hiam klă djuai ania pô, ăt kah hăng anih dŏ, bruă mă, tơlơi glăm ba amăng gru grua hiam lơ̆m pơtrut pơđĭ kyar lŏn ia.

Mông jơnum hăng abih bang

Anom bruă khul tơdăm dra mut phung kiăng kơsem min, pơtong glăi rơđah hơdră djru hlăk ai pơphun bruă mă, pơblih phrâo pơčeh bruă amăng gru grua hiam, pơphun tuh pơ alin, djru tơlơi pơplông, kơčăo bruă gah gru grua hiam, hơdôm tơlơi pơčeh phrâo, gơnam yua gru grua hiam yôm, hơmâo tơlơi kơtang bang hyu prong mut tơma amăng pran jua  ƀing čơđai muai.

Nay Jek: Pơblang