VOV4.Jarai-Amăng Hơdră bưp nao rai Gia Lai-Japan thun 2022, tom brơi, lơ 22/5, Gơnong bruă pơtom hiăp tơring čar Gia Lai ngă hrom anom bruă pơtom hiăp hăng jơnum jar kmar-FSC gah Gơnong bruă pơtom hiăp ƀôn prong Hồ Chí Minh hăng anom bruă pơtruh nao rai hăng Việt Nam-Japan jơnum bơkơtuai anăn “Anŏ hơmâo hăng mông gêh găl tuh pơ alin Gia Lai hăng hơdôm tơring čar gah Japan” pơphun ƀơi plơi prong Plei Ku.

Ƀơi mông jơnum, ơi Shimizu Akira-Khua pơ ala kơ anom bruă ngă hrom jar kmar gah dêh čar Japan JICA pơdah pran jua kiăng, Gia Lai ăt bơblih hơdôm bruă ngă kiăng kơ anom bruă sĭ mơdrô gah dêh čar Japan hơđong pran jua tuh pơ alin sui thun. Ơi Hồ Phước Thành, Kơ-iăng Khua Jơnum min mơnuih ƀôn sang tơring čar Gia Lai brơi thâo, bruă pơtrut kiăng pơhưč lu prăk tuh pơ alin gah bruă ngă hmua, tuh tia pơkra ming, man pơdong bruă apui lơtrik yua glăi hăng pơphun tuai čuă ngui jing bruă mă phun amăng rơwang bruă thun 2020-2025.

Gia Lai kiăng jak iâu lu anom bruă dêh čar tač rơngiao, amăng anun mơ̆ng dêh čar Japan tuh pơ alin nao amăng tơring čar.

Nay Jek: Pơblang