VOV4.Jarai - Mơguah lơ 25/5, ƀơi Hà Nội, Ding jum kông ang hăng Anom pơtô bruă Ping gah dêh čar gum hrŏm pơphun Jơnum bơkơtuai boh thâo gưl dêh čar hăng anăn “Tơlơi pôlih amăng rơnuk ngă hơkrŭ ƀơi dêh čar Việt Nam”. Rơbêh kơ 100 tơlơi pơgôp hiăp hơmâo mơ-it nao jơnum anai, kiăng kơ lăi nao djop mơta boh tơhnal hăng tơlơi sit nik amăng pơjing tơhan pôlih mă bruă khin hơtai, thâo rơgơi, djru brơi mơnuih ƀon sang amăng djop mơta, lăp djơ̆ hloh. Hăng pơsit tong: Amăng thun blan mă bruă, pơjing hăng pơđĭ kyar, tơhan pôlih lêng kơ gir run, găn rơgao tơnap tap, abih pran jua amăng bruă mă, djru brơi mơnuih ƀon sang, djơ̆ hăng 16 boh hră yôm hơmâo Kơnuk kơna pơpŭ “Tơhan pôlih Việt Nam hơdeč hmar, khin hơtai, yua kơ dêh čar, mơnuih ƀon sang, wơr drơi pô” . Anai lĕ hơdôm akŏ bruă boh thâo phrâo pơdah pran jua mă bruă, tơlơi thâo thăi, pran gơgrong, hơmâo lu boh tơhnal, lăi nao tong ten kơ bruă mă, tơlơi sit nik bơdjơ̆ nao bruă pơjing tơhan pôlih ngă hơkrŭ, chính quy, rơgơi kơhnâo, pơplih phrâo.

Siu Đoan: Pơblang