Pơhiăp amăng mông pok jơnum, Khua anih jưh pơ ala Việt Nam ƀơi dêh čar Prang ơi Đinh Tòan Thắng lăng yôm biă mă tơlơi gir run mơ̆ng lu mơnuih rơgơi kơhnâo hăng khul grup anom bruă djru hrom dưi pơphun mông jơnum.

Khua anih jưh pơ ala lăi lĕ, bruă ngă anai yôm biă mă kơ mơnuih ƀôn sang Việt Nam dŏ pơ dêh čar tač rơngiao, boh nik ñu mơnuih ƀôn sang dŏ pơ kual Mi kô̆, pơdah rai tơlơi khăp hơdor glăi kơ lŏn ia djuai ania pô. Lu tơlơi čih lăi pơthâo amăng mông jơnum lăng kơ kual ia rơsĭ Ngŏ hăng tơlơi dưi ngă pô djop bul pơtâo ia rơsĭ Việt Nam, tui hăng gru phun čih pioh găl kơđi gah Việt Nam soh. Hơmâo 14 mơta tơlơi čih pơđok amăng mông jơnum, djru kơ lu mơnuih thâo hluh tong ten kiăng akŏ pơjing tơlơi phiăn găl kơđi kơ Việt Nam ngă pô laih anun pơpŭ kơ dêh čar pơkŏn ngă pô bul plao ia rơsĭ phara ba dêh čar wai lăng.