VOV4.Jarai - Hơdor glăi 115 thun hrơi tơkeng Khua git gai Ping gah ơi Trường Chính (9/2/1907 - 9/2/2022), mơguah lơ 9/2, Sang bruă pơtô bruă kơđi čar dêh čar Hồ Chí Minh pơphun Jơnum bơkơtuai: Ơi Trường Chinh - Khua git gai thâo pơčeh, pơplih phrâo. Hơdôm tơlơi čih amăng mông Jơnum bơkơtuai tŏ tui pơsit tong: Ơi Trường Chinh lĕ khua git gat rơgơi kơhnâo kơ Ping gah hăng Kơnuk kơna, ding kơna rơgơi kơhnâo mơng Khua mir sir Hồ Chính Minh. Sa amăng hơdôm bruă mă yôm mơng ñu lĕ thun blan hrŏm hăng Khua apăn bruă Ping gah pel ĕp, pơjing rai atur hăng lĕ mơnuih pơjing rai hơdôm tơlơi pơplih phrâo amăng djop mơta ƀơi Việt Nam, blung hlâo lĕ kơsem min, pơplih phrâo amăng bruă bơwih ƀong huă. Găn rơgao 81 thun hơdip, rơbêh kơ 60 thun djru ngă hơkrŭ, ơi Trường Chinh hơmâo lu tơlơi gum pơgôp amăng bruă ngă hơkrŭ mơng Ping gah hăng mơnuih ƀon sang.

Siu Đoan: Pơblang