5 thun rơgao, bruă bơkơtưn apah pri hăng bruă pơphun bơkơtưn truh kih mơ̆ng Ling tơhan pơgang guai dêh čar hmâo pơđĭ kyar kơtang tit, prong hyu djop, ba glăi lu bôh tơhnal yôm phăn. Gru rơđah hloh lĕ, hơdôm ƀirô, anom bruă Ling tơhan pơgang guai dêh čar hmâo ba jơlan hlâo ngă giong bruă jao kơđi čar, anăp nao phun kơ plơi pla; pơkĕ hrŏm kơjăp Bruă pơphun bơkơtưn truh kih hăng hơdôm bruă pơsur prong mơ̆ng Ping gah, Kơnuk kơna, Khul ling tơhan hăng tơring čar, ƀôn prong, pơjing hơdôm bruă mă ngă hơkrŭ, hơdôm tal jơnum bruă kơđi čar dơlăm prong, pơsur pran jua, pơsur hơdôm khul grŭp, mơnuih ƀu pơdơi hrưn đĭ.

Hơdôm bôh than mơ̆ hơdôm khul grŭp, mơnuih dưi ngă lĕ bôh tơhnal mơ̆ng tơlơi gir run hrưn đĭ ƀu pơdơi, tơlơi tuh rơyuh kreh kruñ, hur har pran jua bơkơtưn mơ̆ng mơnuih apăn bruă tơhan, ling tơhan abih bang khul, djru ngă bơngač dong pran jua “Ling tơhan Wa Hồ” amăng rơnuk phrâo./.