VOV4.Jarai - Mơguah lơ 17/8, Khua dêh čar ơi Phạm Minh Chính nao pơhmư̆ mông jơnum “Bruă pơphun bơwih ƀong pơčeh phrâo hăng Hrơi jơnum prong bruă mă thun 2022” yua Sang hră kơsem min bruă hmua Việt Nam pơphun. Pơhiăp ƀơi mông jơnum, Khua dêh čar ơi Phạm Minh Chính lăi, pơđĭ kyar bruă hmua jing sa amăng hơdôm bruă yôm biă mă amăng hơdră pơđĭ kyar bơwih ƀong huă mơnuih mơnam mơng lŏn ia. Bruă hmua glăk jing gong tơmeh phun mơng tơlơi bơwih ƀong, djru ngă hơđong tơlơi hơdip mơnuih ƀon sang.

Khua dêh čar čang rơmang hăng bơni hơ-ơč kơ ƀing čơđai sang hră ƀơi mông jơnum anai dưi hơduah bruă mă djơ̆ hăng bruă gơñu hrăm, djơ̆ hăng tơlơi rơgơi, djơ̆ hăng tơlơi kiăng khăp; hơ-ơč kơ ƀing čơđai sang hră kơsem min bruă hmua Việt Nam hăng čơđai sang hră mơng 700 boh sang hră gưl prong glăk dŏ lăng mông jơnum anai amra pơphun bơwih ƀong truh kih, hơmâo lu tơlơi gum pơgôp prong kơ bruă pơđĭ kyar hăng pơgang ba Lŏn ia.

Siu H’Mai: Pơblang