VOV4.Jarai - “Hơdôm anom bruă pôr pơhing, ba pơƀuh hră pơhing khŏm lăi pơthâo djŏp tơlơi pơhing, boh thâo,  lăi pơthâo hơdră djru tañ, hơdeč, tŭ yua, gơñăm nao bruă akŏ phun, biă mă ñu hăng hơdôm bruă mơ̆ mơnuih ƀon sang lăp đing nao”. Anai jing tơlơi kiăng mơng Khua apăn bruă git gai Ping gah, Khua Anom pơtô bruă Ping gah Nguyễn Trọng Nghĩa ƀơi mông Jơnum lăi pơthâo bruă pôr pơhing, ba pơƀuh hră pơhing thun 2022 hơmâo pơphun tlam lơ 8/8, ƀơi Hà Nội. Ƀơi mông jơnum, ƀing khua hơmâo bơkơtuai, lăi nao bruă ngă hrŏm git gai, črâo bruă, brơi tơlơi pơhing dưm kơnar, tañ; pơđĭ tui anŏ klă, tŭ yua mơng tơlơi pơhing, pơtô pơblang kiăng mơnuih ƀon sang hmư̆ tơlơi pơhing djơ̆, sit, hơmâo akŏ; pơsir hĭ hơdôm tơlơi aka ƀu djơ̆ amăng bruă pôr pơhing, ba pơƀuh hră pơhing...

Siu H’Mai: Pơblang