VOV4.Jarai - Mơguah lơ 10/5, ƀơi ƀon prong Hồ Chí Minh pơphun Jơnum bruă sĭ mơdrô điện tử Việt Nam 2022 hăng anăn “Sĭ mơdrô điện tử pơtrut bruă bơwih ƀong tơdơi kơ hơmâo klin”. Ƀơi mông jơnum, ƀing khua lăi: Sĭ mơdrô điện tử ngă pơplih prong biă amăng bruă sĭ mơdrô bơwih ƀong mơng anom bruă bơwih ƀong hăng tơlơi juăt blơi gơnam, biă ñu mơng hrơi hơmâo klin Covid-19. Sĭ mơdrô điện tử pơđĭ kyar kơtang amăng 2020-2021 laih anun amra dưi hơmâo năng ai 39 klai dolar amăng thun 2025.

Ƀing khua pơblăi nao rai ƀơi mông jơnum

Anai ăt jing tơlơi anăp nao pơđĭ kyar hơđong amăng bruă pơjing rai lu glông sĭ gơnam tam hrơi blan pơ anăp, mah hơmâo klin hă ƀu hơmâo. Yap truh ha mơkrah akŏ thun 2021, Việt Nam hơmâo rơbêh 8 klăk čô mơnuih blơi gơnam tui glông internet. Ră anai, hơdôm anom bơwih ƀong sĭ mơdrô điện tử prong lêng pơƀut pơ Hà Nội hăng Hồ Chí Minh. Mơng thun 2021 truh ră anai, mrô gơnam sĭ ƀơi glông điện tử đĭ mơng 1,5 truh 2 wơ̆t pơhmu hăng hrơi blan hlâo kơ hơmâo klin hơđuh đĭ.

Siu H’Mai: Pơblang