Amăng mông jơnum, Khua dêh čar ta lăi rơđah, Akô̆ bruă “Pơđĭ kyar kơjăp phik 1 klăk ektar ngă hmua pơdai hmâo lu bôh klă hiam hăng ƀiă djah nao hrŏm hăng pơđĭ kyar mơtah kual lŏn dăo ia krông Cửu Long truh thun 2030” dưi hmâo Khua dêh čar pơsit blan 11/2023 truh ră anai hmâo pok pơhai giăm truh 1 thun laih.

Anai lĕ Akô̆ bruă hmâo yua biă hăng mơnuih ngă đang hmua kual lŏn dăo ia krông Cửu Long, hăng bruă ngă hmua pơdai hăng bruă bŏng glăi pơplih ayuh hyiăng, anăp nao tơhnal pơkă pơhlôm ƀơi anăp ayuh hyiăng ƀu klă ngă, hrŏ trun djah ngă sat ayuh hyiăng, ba rơnoh pơđoh djah sat trun mrô “0” tui djơ̆ tơlơi pơkôl mơ̆ng Việt Nam amăng mông Jơnum COP26. Amăng mông jơnum anai, Khua dêh čar rơkâo ƀing khua pơ ala đing nao bôh thâo ia rơgơi, pran mă bruă; lăi pơthâo tơlơi lăi glăi, pơhiăp gum pơhiăp rơguăt, rơđah bôh phun kiăng lăi, nao tơpă mut mơta tơlơi; ba tơbiă hơdôm bruă mă, bruă pơsir pioh pơphun ngă tui pơ̆ anăp anai kiăng djơ̆ tui tơhnal ba tơbiă; pơhlôm rơnoh bruă, anô̆ kơjăp mơ̆ng bruă Jơnum./.