VOV4.Jarai - Mơguah lơ 25/4, Jơnum min pel ĕp bruă kơnuk kơna pơphun jơnum đơ đam dêh čar bruă pel ĕp, lăng tui 3 blan tal sa thun 2022, pok pơhai bruă mă 3 blan tal 2 thun 2022 tui hơdră ƀơi anăp hăng lăng nao rai mơng ataih ƀơi hơdôm anih tô nao rai amăng đơ đam dêh čar. Ơi Trần Cẩm Tú, Ding kơna Ding jum kơđi čar, Ding kơna git gai Ping gah dêh čar, Khua Jơnum min pel ĕp kơđi tơlơi dêh čar ta git gai jơnum ƀơi anih tô nao rai Hà Nội. 3 blan tal sa thun 2022, mrô hơdôm bruă pel ĕp hơdôm gưl đĭ bơhmu hăng thun hlâo, biă ñu pel ĕp lom hmâo gru nam ngă soh. Bruă lăng tui hmâo lu pơplih phrâo, đing nao kiăng pơđĭ tui anô̆ klă, bôh tơhnal lăng tui; pơsir tơlơi ƀom kiơng hmao tlôn. Kiăng ngă giong jơlan hơdră, kơčăo bruă mă thun 2022 hmâo ba tơbiă, Jơnum min pel ĕp kơđi tơlơi ba tơbiă sa dua bruă mă rơđah, amăng anun rơkâo gưl ping gah, Jơnum min pel ĕp kơđi tơlơi hơdôm gưl khom gơgrong hlâo, klă hăng khut khăt hloh amăng git gai, črâo ba hăng pơphun ngă tui bruă pel ĕp, lăng tui hăng ngă tui tơlơi phiăn, djru klă amăng bruă pơdŏng, pơplih pơkra Ping gah hăng glông bruă kơđi čar./.

Siu H’ Prăk: Pơblang