VOV4.Jarai - Mơguah lơ 18/5, ƀơi Ƀirô Ping gah, Khul apăn bruă Ping gah pơphun jơnum đơ đam dêh čar hruă kjăp hăng pok pơhai ngă tui tơlơi pơtrun mrô 06 lơ 24/1/2022 mơng Ding jum kơđi čar “kơ bruă man pơdong wai lăng hăng pơđĭ kyar hơđong kjăp plơi prong Việt Nam truh thun 2030, anăp nao thun 2045”. Ơi Võ Văn Thưởng, Ding kơna Ding jum kơđi čar, Khul apăn bruă Ping gah nao jơnum hăng đĭ pơhiăp amăng mông jơnum. Đĭ pơhiăp git gai mông jơnum, ơi Võ Văn Thưởng rơkâo, gưl Ping gah, ƀing apăn bruă Ping gah kiăng hruă kjăp, mut hrŏm amăng bruă wai lăng, man pơdong plơi prong, laih dong tañ pơjing jơlan hơdră bruă mă tong ten, ngă pơgiong tui hơnong pơkă lăi nao amăng tơlơi pơtrun, hăng pran jua pơhlôm pơjing ha amăng plĕ, klă hloh, lăng mơnuih mă bruă yôm hloh, tơlơi bơwih bơwang lĕ akŏ phun.

Siu Đoan: Pơblang