Jơnum đơ đam dêh čar hruă kjăp pok pơhai ngă tui tơlơi pơtrun lok 11
Thứ năm, 07:00, 17/04/2025
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 16/4, ƀơi Hà Nội pơphun Jơnum đơ đam dêh čar hruă kjăp pok pơhai ngă tui tơlơi pơtrun Jơnum lok 11 Khul apăn bruă Ping gah tal 13.
Jơnum pơphun ƀơi anăp, hrŏm hăng lăng nao rai mơng ataih hăng hơdôm anih anom ƀơi tơring glông, să. Jơnum kiăng hruă kjăp hơdôm boh tơhnal phun, tơlơi phrâo, akŏ phun mơng hơdôm hră pơsit jơnum Ping gah phrâo pơphun dong mơng lơ 10/4 truh lơ 12/4.
Ƀing khua mua hơmâo hruă kjăp 3 akŏ bruă. Tal sa lĕ kơ hơdôm črăn hră pơ-ar mơ-it Jơnum tal 14 mơng Ping gah. Akŏ bruă 2 kơ pơplih pơkra phiah phiăn hăng tơlơi phiăn; jơlan gah plĕ hră ruah khua pơ ala mơnuih ƀôn sang tal 16 hăng khua mua khul pơ ala mơnuih ƀôn sang djop gưl rơwang thun 2026-2031.
Akŏ bruă 3 kơ tŏ tui dưm dăp anih anom mă bruă brơi hơbot, ngă bruă klă, tŭ yua; pơplih, pơhrua hơdôm tơlơi pơkă mơng Ping gah bơdjơ̆ nao bruă dưm dăp, ngă hơbot anih anom mă bruă.
Viết bình luận