Anai lĕ tơlơi pơhing dưi ba tơbiă amăng mông Jơnum đơ đam dêh čar klah čun ƀơƀiă bruă pel ĕp, lăng tui 6 blan akô̆ thun hăng pok pơhai bruă mă 6 blan rơnuč thun anai. Ding kơna Ding jum kơđi čar, Ding kơna git gai Ping gah dêh čar, Khua Jơnum min pel ĕp bruă Ping gah dêh čar, ơi Trần Cẩm Tú git gai mông Jơnum.

Pơhiăp amăng mông Jơnum, ơi Trần Cẩm Tú brơi thâo: Rơgao kơ pel ĕp lăng tui djru pơđĭ tui bôh thâo git gai, pran gơgrong kơdŏng mơ̆ng khul grŭp ping gah hăng pơgăn, pơgang hlôm hlâo ngă hơdư̆ tơlơi trun tui tơlơi pơmin, bruă kơđi čar, pran jua, jơlan gah hơdip mơ̆ng sa dua čô mơnuih apăn bruă, mơnuih ping gah. Ơi Trần Cẩm Tú Rơkâo Jơnum min pel ĕp bruă Ping gah hăng Jơnum min pel ĕp bruă hơdôm gưl gơgrong hlâo ngă tui bruă pơkă kual, ngă giong, pơđĭ tui anô̆ klă mơnuih apăn bruă pel ĕp hơdôm gưl./.