Hăng hơdră jơnum ƀơi anăp pơkĕ hrom lăng nao rai mơng ataih, tô anih anom pơdah hyu dêh čar ta ƀơi Sang rông Diên Hồng (Sang mă bruă Khua pơ ala mơnuih ƀôn sang) hăng hơdôm anih tô hyu amăng đơ đam dêh čar.

Amăng mông jơnum, ƀing khua pơ ala pơhmư̆ hơdôm akô̆ bruă lăi kơ “Pơdong dong hăng ngă giong dong Kơnuk kơna djop mơnuih dưm kơnar Việt Nam amăng rơwang phrâo”; “Pơplih phrâo dong jơlan gah git gai, apăn bruă mơng Ping gah pioh kơ glông bruă kơđi čar amăng rơwang phrâo”; “Pơtrut kơtang dong bruă măi mok pơplih phrâo, pơplih phrâo lŏn ia truh thun 2030, tơhnal lăng nao truh thun 2045”; “Pơsit jơlan gah pơkă abih bang lŏn ia rơwang 2021-2030, tơhnal lăng nao truh thun 2050”. Gah bruă mă, jơlan pơsir phun pơdŏng dong hăng ngă giong dong kơnuk kơna djơ̆ phiăn djop mơnuih dưm kơnar Việt Nam amăng rơwang phrâo, Khua Grŭp mă bruă Ping gah dêh čar ơi Phan Đình Trạc brơi thâo, pơtrut kơtang dong bruă lăi pơhing, pơtô pơhrăm, pơđĭ tui tơlơi pơmin kơ Kơnuk kơna djơ̆ phiăn djop mơnuih dưm kơnar Việt Nam./.